"Balakid Patungong Jannah"

ni: InshaAllaah Jannah

Bawat Yugto ng Buhay ay may Ibat ibang Balakid

Mga Pagsubok na Walang Patid

Subalit kung ito ay ang siyang Daan sa Matuwid

Tatahakin, Paghihirap man ay Mabanaag sa Litid

Ang Jannah (Paraiso) ay may Ibat Ibang antas

Jannatul Firdous ang siyang Pinaka  mataas 

At ang sinumang nag nanais, nag uumalpas

Sa mga Pagsubok ay Hindi Umaatras.

Makamundong Bagay ang minsan ay Hadlang

Sa Pag gawa ng Ibadaah  sa Allaah 

Kayat sa Nagnanais na Jannah (Paraiso) ay Makakamtan

Hahanap at hahanap ng Paraan

Neyyah at Ikhlas ang siyang Daan 

Upang Marating ang Patutunguhan

Bawat Pagsubok na Daraanan

Pilit nilalabanan ninuman

Ang Kinang ng Sanlibutan

Ayon kay Abu Hurairah sinabi ng Propeta Muhammad صلى لله عليه وسلم:

"Ang Impiyerno ay nababalutan ng mga Makamundong Pagnanasa , At ang Paraiso naman ay Napalibutan ng mga Kahirapan."

[Bukhari at Muslim]

Isang salaysay naman mula kay Abu Hurairah na sinabi ng Propeta ng Allaah صلى لله عليه وسلم:

"Nang likhain ng Allaah ang Paraiso, sinabi Niya kay Jibril, "Magtungo ka at tingnan mo ang paraiso. Siya ay nagtungo at tiningnan ang paraiso at siya ay bumalik na nagsasabing: "Sa pamamagitan ng Inyong kaluwalhatian, walang sinuman na nakarinig nito ang hindi maaaring hindi papasok dito." Kaya pinalibutan ito ng Allaah ng mga pagsubok at kahirapan at sinabing, "magtungo kang muli at tingnan mo ito. Nagtungong muli si Jibril at pinagmasdan ang paraiso, nagbalik sa Allaah at nagsabing: "Sa pamamagitan ng Inyong kaluwalhatian, natatakot po akong walang sinuman ang makakapasok dito."

[Jami al-usul, 10/520, no. 8068. sinabi ni Tirmidhi : Ito ay isang gharib sahih hasan hadith]

Ang komento ni An-Nawawi sa unang hadith:

"Ito ay isang halimbawa ng isang maganda, kumpleto at elekwenteng pangungusap na kung saan ang Propeta صلى لله عليه وسلم , ay may kakayanan, kung saan siya ay nagbigay ng isang magandang pagkukumpara. Ito ay nangangahulugan na walang anumang gawain ang makatutulong sa isang tao upang makarating, makapasok at makapanirahan sa paraiso kundi ang pagsuong o pagharap sa mga pagsubok at kahirapan, at walang anumang bagay ang magtutulak sa isang tao sa impiyerno kundi ang makamundong pagkagusto at pagnanasa. Ang bawat isa ay nababalutan ayon sa pagkakasalarawan, at sinuman ang sumira sa tabing o balot ay mararating ang bagay na nakatago sa likod ng tabing o ng balot. Ang tabing o balot ng paraiso ay masisira at mapupunit ay sa pamamagitan ng pagsuong at pagharap sa mga pagsubok at kahirapan, samantalang ang sa tabing o balot naman ng impiyerno ay masisira sa pamamagitan ng pagkahumaling sa mga makamundong pagnanasa.

Kabilang sa mga kahirapan ay ang patuloy na pakikibaka ng may kahinahunan sa pagsamba, pagpipigil sa pagkagalit kaninuman, pagbibigay ng mga kawanggawa, pagiging mabuti sa lahat lalo na sa mga taong nakagawa ng mga pagkakasala at pagkukulang sa kanya, pagpipigil sa mga makamundong pagnanasa atbp."

[Sharh an-Nawawi `ala Muslim, 17/165]

title credit to the owner